Ngesikhathi uMnuz Zwelinzima Mkhuzangwe esungula iMegaRoss Project, ibhizinisi lemfuyo aliqale ngo-2015, wayephokophele into eyodwa: ukuvula amathuba emisebenzi futhi nokubona umphakathi wakhe uvelela. Useqashe abantu abathathu ngokugcwele epulazini lakhe elingamahekthare eVentersdorp, eNorth West futhi unesifiso sokukhula kunalokhu.
UMkhuzangwe usungule iMegaRoss Projects emva kokuxoshwa enza unyaka wesithathu efundela ukuba yinesi ngenxa yokungaziphathi kahle. “Sasihola sibe siqeqeshwa, esikhundleni sokuhlala ekhaya ngizidabukele, ngisebenzise le mali engangisenayo ngathenga izinkukhu zenyama eziwu-20 ngaqala ibhizinisi lami.”
Lo mshophi wokuxoshwa wamcabela indlela eshintshe impilo yakhe unomphelo. Kuqale ngephupho lokukhulisa izinkukhu eziwu-20 ukuthi zibe amachwane awu-500 000 kodwa esiphenduke ibhizinisi lezolimo elixubile njengoba esefuye izimbuzi, iziklabhu, izinkukhu nezingulube.
‘Belungazibeki uthando lwezolimo’
UMkhuzangwe wenze izifundo ze- chemical engineering eVaal University of Technology ngo-2011 kodwa washiya phakathi ngenxa yenkinga yemali.
“Ngo-2012 ngijoyine umbutho wamasosha iSouth African National Defense Force (iSANDF) kodwa ngangingagculisekile ema kwezinyanga eziyisithupha siqeqeshwa. Emva kwalokho ngathola umfundaze emnyangweni wezempilo eNorth West wokufundela ubunesi.”
Ukuzama ukuba wunesi kwashesha kwaphela e-Excelsius Nursing College ngesikhathi exoshwa waxoshwa ngenxa yokunkonkoshela i-signature yomphathi wakhe kwelinye lamafomu okuqeqeshelwa umsebenzi. Yiphutha asazisola ngalo namanje.
“Akuyona into engiyiqhenyayo ngayo. Konke engidlule kukho – okuhle nokubi – yikona okungenze lo muntu engiwuyena namhlanje. Kungifundise lukhulu futhi isipiloyini yisona esifundisana kakhulu. Ngamanye amazwi, ngiyajabula ukuthi ngaxoshwa esikoleni ngoba kwangifundisa ukuthi ngamukele ukuhluleka bese ngiphinde ngizame.”
Ezolimo zimsindisile futhi usungule iMegaRoss Projects ngo-2015 ngezinkukhu zenyama eziwu-20.
“Emva kwalokho ngigxile ebhizinisini lami ngokugcwele. Ngiphokophele ngazihlupha nangolwazi lwezifo ezivame ukuphatha izinkukhu, indlela yokuthi zithole umoya owanele nomthunzi. Ngiyawubonga kakhulu uGoogle nosizo lwabanye abalimi ezinkundleni zokuxhumana ngokwabelana ngolwazi, kulisize kakhulu ibhizinisi lami.”
Utshele iFood For Mzansi ukuthi lukhulu aseluzuzile kusukila eqale lolu hambo. Ngesikhathi eqala wayedayisa izinkukhu eziphilayo nezinkukhu esezichuthiwe kubantu bendawo nasezimakethe ezingomakhelwane. Usuku nosuku abelokhu ekhula amakhasimende kangangokuthi wathenga iziklabhu ezimbili ngo-2017, emva kwalokho wengeze enye imfuyo.
“Ngithenge izimbuzi ezine ngo-2018 namachwane ezingulube ngo-2021.”
Wakhe ibhizinisi elidlondlobalayo
UMkhuzangwe udayisa imfuyo kubantu abenza imisebenzi yesintu, inyama esihlinziwe kubantu bendawo nasezitolo zaseVentersdorp. Uhleka yedwa ngamaholdi kaDisemba ngoba uthi abantu basuke befuna izilwane ukwenza imisebenzi yemindeni.
Sinyukile isibalo sabantu abafuna izinkukhu njalo ngezimpelasonto, uqashe abantu abathathu kusukela ngoMashi kulo nyaka.
“Angikafiki lapho ngifisa ukufika khona kodwa ikhona inqubekelaphambili. Ngo-2021, ngithenge amahekthare amathathu nohhafu ngenzela ibhizinisi lami. Into enhle manje ukuthi inkampani yami isebenzela emhlabeni wayo emva kokusebenzela ekhaya iminyaka eyisihlanu.”
Uyazifela ngokuba wumlimi uMkhuzangwe. Uthi kuphele iminyaka engazi ukuthi uzokwazi yini ukuqala kodwa kuthe uma livela ithuba wagxuma wahlala, waqala walima, futhi yonke into ihamba ngononina.
“Ngifisa ukweluleka abanye abalimi ukuthi bakhumbule ukuthi imboni edingeka kakhulu lena. Ukudla kuyisidingo, ngakho kufanele ukhethe ukuthi yini edingwa indawo okuyona futhi uqale.”
UMkhuzangwe kuyenzeka ukuthi ufunde ube uwuqhuba umsebenzi kodwa uyaxwayisa ngokuthi ukucabanga kakhulu izinto kungaholela ekutheni ugcine ucabanga unomphelo kodwa ungenzi lutho.
FUNDA FUTHI: KuNomfundo, ezolimo ‘ziwukuba nobubele’
THOLA IZINDABA ZOSHINTSHO: Izindaba ezigqugquzelayo ngabantu abondla uMzansi.
