Ukukhulela esigodini KwesakwaMthethwa, Empangeni, KwaZulu-Natali, kwenza uMnuz Sphamandla Fakude aqonde ukuthi ezolimo yibhizinisi lomndeni wakhe. Ngo-2014 ngesikhathi uyise, u-Anthony, ethatha umhlalaphansi, ungene kwezolimo enzela ukuchitha isizungu. Akuthathanga sikhathi kwagcina sekuyindlela aphila ngayo. UFakude uqale ukusebenza noyise ebhizinisini lezolimo ngokusemthethweni ngo-2015.
Umndeni wakwaFakude ubusuhlale iminyaka Esikhawini, kodwa kuthe uma uFakude ethatha umhlalaphansi, baphindela KwesakwaMthethwa lapho beqale khona ukutshala izinhlobo zamaveji okukhona kuzo ummbila, ubhontshisi, ispinach, iklabishi, u-lettuce, utamatisi, i-butternut, upelepele, u-carrot, u-anyanisi, u-green pepper okutshalwe emhlabeni ongamahekthare amathathu.
Ebuzwa ukuthi kuqale kanjani ngo-2014, uFakude uthe umhlaba abawusebenzisayo manje wawukade uyihlathi elinezihlahla notshani.
Emva konyaka wonke bewulungisa, bafaka amapitsi, futhi babiya. Uqale ukulima ngokusemthethweni ngo-2015. baphinde babiya – ube eseqala ukutshala ngo-2015, esikhathini lapho iKZN yayibhekene nenkinga yesomiso futhi kunenqwaba yabalimi ebidayisa imfuyo yayo noma ithuthela kwezinye izindawo.
“Kuwo wonke lowo nyaka ubaba ubebambisene nomama wethu, (uNkk) uLindiwe Fakude babebambisene bengilekelela ngaleso sikhathi uma ngithole ithuba.”
Amathanela asisizile
Umndeni wakwaFakude wabona ukuthi ukusebenzisa amathanela yiyona ndlela engcono yokuqhubeka nokulima ngesikhathi sesomiso ngo-2014 kuya ku-2015 eKZN.
Utshele iFood For Mzansi ukuthi into enkulu esizayo ngokutshala kumathanela ukukwazi ukutshala nanoma ngabe yisiphi isikhathi sonyaka.
“Isifiso sethu ukutshala ukudla okungalimwa nanoma ngabe yinini, ngakho amathanela asisizile.”
Sebezokwengeza no-anyanisi ekudleni abakutshalayo besebenzisa amathanela.
Umndeni obambisene
UFakude uthe umndeni yiwona obaluleke kakhulu, ikakhulukazi uma izinto ziba nzima.
“Umndeni wethu unezinkinga njengeminye. Kodwa sikhuliswe ngokuthi sithandane futhi sesekane nanokuthi sikhulume uma kukhona okonakele. Yiyona ndlela esikwaze ngayo ukukhulisa iMtolo Farming ndawonye,” kusho uFakude.
“Ngabe asikho lapha ukube asimthembi uNkulunkulu. Asingcono kunabanye abantu, kuphela nje sizikhandlile ukuze sifeze iphupho elifanayo.”
UFakude wengeze ukuthi ngesikhathi beyiqala iMtolo, izingane zakwabo, uZanele no-Ayanda zazimatasa. U-Ayanda wayesasenyuvesi kanti uZanele wayesebenza. Kodwa izinto sezingcono ngoba nabo sebeyingxenye yebhizinisi. Inhloso yabo ukuqhuba umsebenzi izizukulwane ngezizukulwane.
“Senza isiqiniseko sokuthi siba ndwonye ngamaholidi uma kuvalwe izikole ukuze izingane zethu zazane futhi iMtolo Farming iqhubeke ngisho sesingasekho.”
Bakha ifa lomndeni
IMtolo Farming yibhizinisi elinezifiso ezinkulu zokuba yisikhondlakhondla eKZN nasezweni lonke. UFakude uthi izitshalo zabo ziyinyama kangangokuthi abakwazi ukumelana nakho konke okudingwa umphakathi waseMpangeni. Ngakho, banamahekthare amthathu adinga ukuphuculwa ukumelana nomthamo womsebenzi.
“Ukube besinomhlaba owanele bekungenza umehluko omkhulu kithina. Ukuba yinkampani encane kusinqinda ukwenza izinto ezifana nokuqasha abantu.”
Uthe ukholwa wukuthi ezolimo akumele kube yinto umuntu ayikhethayo, ukholwa ukuthi ngelinye ilanga iNingizimu Afrika iyoba nenkinga ingakwazi ukuthenga nokudayisela amanye amazwe ukudla futhi abantu bayozisola ukuthi abaqalanga ngani ukuzitshalela ukudla kwabo kusanesikhathi.
“Okungikhathaza kakhulu wukuthi kuyokwenzekani mhla sekungabantu abathile bodwa abakwazi ukuthenga ukudla ezitolo? Ukuzitshalela ukudla yiyona ndlela yokusombulula lenkinga.”
Basabalalisa umsebenzi wabo
Badayisela iFood Lover’s Market, iBoxer naseSpar waseMpangeni. UFakude uthe usekuqakuphelile ukuthi amakhasimende abo amaningi ngabadayisi basemgwaqweni abathenga umkhiqizo omningi ngesikhathi futhi kwesinye isikhathi kunzima ukudayisela amakhasimende amaningi kakhulu.
Ubonge bonke ababasekile ukuze iMtolo Farming izoba lapho isikhona manje.
Ukukhulisa ibhizinisi lo mndeni yisifiso esihle. Kodwa lingafezeka ngokuba nezinhloso ezingangamandla akho, ukuzikhandla, ukuzinikela futhi ukuphokophela. Ukusebenza nomndeni wakho ukufeza lelo phupho kwenza nisondelane futhi nakhe ifa lo mndeni. Yikho kanye lokhu iMtolo Farming ekwemzile.
Thola izinda ngoshintsho: Izindaba ezigqugquzelayo ngabantu abondla uMzansi
FUNDA FUTHI: Yini okufanele uyiqaphele uma uhlanganisa imikhiqizo yobisi lwezinkomo
