Esemncane uNksz Zaza Mbatha wasOsizweni, eNewcastle, KwaZulu-Natali, wayesebenza engadini ngoba ethunyiwe kodwa engazi ukuthi ngelinye ilanga kungagcina kuyinto ayizwa ekhaleni.
Namhlanje uNksz Mbatha useziphilisa ngengadi yize ayengakufuni nokukubona ngesikhathi unina emcela ukuthi alekelele. Kuyinselelo kuyena ukulima kodwa uzinika isikhathi sokukwenza ngothando.
Engadini ewu-12×12 square metre utshale, ubeetroot, ubroccoli, ucarrot, ijalapeno, upelepele, ikalabishi eliluhlaza nelibomvu, u-anyanisi obomvu, upepper, ithanga, utamatisi, ugarlic, icoriander, imint, ugreen beans, ubhontshisi wesizulu, amabele, ulettuce, nezithelo (amawolintshi, amaguwava, i-apricot, ulamula, umkhiwane, izindoni, ukotapeya, amapentshisi) nesipinashi.
Uthi wayefisa ukuba wudokotela kodwa washintsha umqondo eselandela umkhakha wobusonhlalakahle, izifundo agcina engaziphothulanga.
Uthuthele eGoli lapho esebenze khona iminyaka engaphezu kwewu-20 embonini ezimele enzela ukukhulisa ingane yakhe. Udiliziwe ngo-2018 futhi waphoqeleka ukudayisa umuzi wakhe ukuze athuthele eduze komndeni wakhe eKZN.
“Ngathenga umuzi, ngenhlanhla wawunegceke elikhulu. Ngangixakekile futhi imali engiyongile incipha ngase ngiqala ukulima.”
Usizo lwezinkundla zokuxhumana
Konke ayeqale engakwazi ngezolimo, wakufunda ngokuxhumana nabanye abalimi ezinkundleni zokuxhumana, ikakhulukazi kuFacebook. Uthole ulwazi lokunakekela izitshalo kanjalo nokwazi ukuthi yiziphi izitshalo ezitshalwa ngasiphi isikhathi.
“Yize ngaqala ngenza amaphutha ngisaqala kodwa manje sengiyakwazi ukwenza kahle ezinye izinto,” usho kanje.UNksz Mbatha uqale etshala ispinashi, iklabishi nebutternut. Yize ibutternut lishabalele ngo-Ephreli, ispinashi neklabishi bekukhephuzela.
Amakhono okuzithuthukisa
“Ngiqale ngisebenzisa ulwazi engilutholile. Ukususa izinambuzane, ngaqale ngasebenzisa izindlela ezijwayelekile kodwa ezingaxubi amakhemikhali,” kusho uNksz Mbatha.
Uthi usebenzisa ineem oil ukuqeda izinambuzane ezitshalweni zayo. UNksz Mbatha uthi kuyabiza kodwa kusebenza kahle. Usebenzisa umanyolo wezimbuzi nezinkomo.
Ukuzethemba kwakhe kukhuliswe ukuba nomkhiqizo omuhle futhi onempilo. Kube ngaphezu kwalokhu umndeni wakhe obukudinga ngakho uqale wapha abangani nomakhelwane kanti babengawuvali umlomo.
“Ngonyaka odlule utamatisi odayise kakhulu, wawumningi kakhulu. Nginqume ukukhuluma nezitolo zendawo.”
UNksz Mbatha uthe waphindela ekhaya esenezitolo ezintathu ezasezivumile. “Sonke sidla kulesi sivumo futhi senza inzuzo enhle.”
Useyawugaya umkhiqizo wakhe
UNksz Mbatha waphelelwa umsebenzi emva kokudilizwa ngesikhathi eqala ukulima. Wayekhathazekile ngomphako wezingane ngakho waqala wahlanganisa izithelo engadini yakhe waxova ujamu awugcoba esinkweni sazo.
“Ngabona nokuthi ngingenza ijusi yamawolintshi, ngakho ngenza lokho futhi yayimnandi.”
UNksz Mbatha wenza nechilli sauce ngopelepele osegcekeni lakhe futhi izingane zayijabulela kuma-burger azo.
“Ngiwuhlobo lomuntu ongakuthandi ukudla okuthule nje. Ngihlale ngenza isiqiniseko sokuthi ukudla kubukeka kahle. Yingakho ngidinga ukuzitshalela ukudla kwami.”
Uthi usebenzisa ispinach ukwenza i-savoury rice, imint ukunonga itiye lakhe le-rooibos, abuye engeze ngamawolintshi kwesinye isikhathi.
“Ngihlela ukugxila ekwenzeni izidlo ezingenayo inyama ngemikhiqizo yami.”
Mbatha adds that she isn’t bothered by her age since everything happened at the perfect moment, and she is eager to shine even more in the future.
UNksz Mbatha uthe ayimkhathazi indaba yeminyaka yakhe ngoba yonke into yenzeka ngesikhathi sayo futhi uzimisele ukuphokophela ukuthi ikusasa lami liqhakazile.
FUTHI FUTHI: UMama Joye unqobe ubunzima ukondla umndeni wakhe
Thola izindaba zoshintsho: Izindaba ezigqugquzelayo ngabantu abondla uMzansi.
