Yayinguninakhulu kaChiloane Mahlatse owamazisa kumsebenzi wokuba ngumfama. Namhlanje, kwilali yaseMoloro, kufutshane naseAcorn Hoek eMpumalanga, ulima iiakile ezingu0.5. Ukuqalisa kwakuyinto elula kakhulu, utsho, kuba wayenganayo enye indlela ingekuko ukukuthatha ngokunyanisekileyo njengoko ukukhulisa ukutya kuqinisekisa ngokuya kuba setafileni elandelayo kwanokuba ingaba uyaphumelela okanye hayi kwiinjongo zakhe zexesha elide.
UMahlatse ubesoloko ekhulisa iindidi ngokubanzi zesiveliso kuqukwa ispinatshi, amatswele, iitumato, iipepile eziluhlaza, kunye neetshilisi ukususela ngo2020.
“Ezi zakhono zokuba ngumfama zaye zadluliselwa kum ukusuka kumakhulu wam ongasekhoyo. Imixoxozi, amandongomane, umoba, kunye nekhasava zaziphakathi kwezityalo owakhe wazikhulisa kwifama enkulu yakhe.”
Uthi kananjalo ebeya kuziva enobutyala ukuba ebengenakuqhubela phambili ngembali kamakhulu wakhe.
“Wayekuthanda ukuba ngaphandle kwamasango kwimeko yasendalweni. Wayesoloko egxininisa ukubaluleka kokuvelisa isiveliso esioganikhi sakho.”
Ukukhuthazwa luluntu lwasekuhlaleni kwakhe
Ukuba ngumfama, ngokukaMahlatse, ngumsebenzi onzima njengawo nawuphi na omnye umsebenzi. Ukholelwa ekubeni lo msebenzi ufuna umntu onika ingqwalaselo esondeleyo kubo bonke ubucukubhede.
“Ubomi kwiindawo ezisemaphandleni buxabisa kakhulu xa abahlali kufuneka bathathe uhambo nje lokuya kuthenga izinto eziyimfuneko. Ndenza kwenzeke ngoku kuba ngoku ndineli shishini, yaye bayavuya. Ndizithatha njengonethamsanqa ukuba ndibe luncedo kubo.”
Eminye yemibandela enzima kakhulu ekubeni ngumfama kwanomntu omtsha kusekuthatheni isigqibo sokutyala imali kwizihlobo okanye kwishishini lakho, utsho njalo.
“Ndifumanise ukuba eyona ndlela ibhetele yokuyenza kakuhle kukuba ndibe kwifama yam ukwenzela ukuba ndiqaphele xa kukho into engalunganga. Ndikwishishini ngelilungiselela mna ndodwa kuphela. Ngenxa yoko, ukuba andiniki ngqwalaselo ezintweni, andisayi kukhula.”
Ukujongana nesithintelo sibe sinye ngexesha
UMahlatse uxelela iFood for Mzansi kwakukho ixesha apho sasinovakalelo lokuba, nangona wayechitha ixesha lakhe, xa wayejongene nemingeni yamanzi kwilali yaseMoloro, nangexesha apho izityalo zakhe zazigutyungelwe zezihlabayo (bristles).
“Ndakhetha unkcenkcesho lothontsizisomanzi. Ngenxa yokuba unkcenkcesho ngothontsizisomanzi lusebenza kakuhle yaye lunika iziphumo ezizizo, ingakumbi ukuba kusetyenziswe ifethilayiza elulwelo, kwanenyaniso yokuba amathontsana amanzi angena ngqo ayokutsho ezingcanjini yaye lusebenzisa iilitha ezi2 zamanzi ngeyure nganye.”
Uthi unkcenkcesho ngothontsizisomanzi lumnceda ekongeni amanzi nasekunkcenkcesheleni izityalo zakhe ngobuchule kakhulu.
“Ndifuna ukwandisa imisebenzi yokuba ngumfama ukuba ndinako ukonga imali engaphezulu. Kwakhona ndifuna ukufuya ndiqeshe abanye abantu abatsha abanomdla kwishishini lokuba ngumfama.”
Phakathi kwezithintelo aye wahlangana nazo ukuza kuthi ga ngumngundo obumguborha, ingakumbi kwispinatshi.”
“Ndisebenzisa iyeza lendalo ukunyanga le ngxaki kwakunye nombundane. Ukuba utyala isityalo esifanayo kwisiqwengana somhlaba okanye kwibhloko, iminyiki iya kusisebenzisa eso sityalo, ngoko ke kufuneka utyale izityalo ezitsha, ezinjengetswele. Amatswele zezona zixhobo zinamandla kwifama yam kuba enako ukukhusela izityalo zakho kwizinambuzane nakwimisundululu.”
Isicwangciso sentengiso siqinisekisa impumelelo
Uthengisela iimpahla ivenkile iRoots, eLebamba Supermarket, naseMakhona Supermarket.
wespinatshi kuphela, ndaqaphela ukuba kwakukho ukunqongophala kwemifuno kwisuphamakethi. Ndaye ndathi emva koko ndadibana nabaphathi ndinesiphakamiso esimalunga namaxabiso afanelekileyo abaye basamkela. Andizange ndiphinde ndijonge emva ukususela ngoko.”
Woleka athi ukuba ngumfama akwenzi kutya nje kuphela, kodwa kukhawulelana notshintsho lwesimo sezulu sexesha elide.
“Ndifuna ukuzibona ndikhula kweli lizwe lomsebenzi wokuba ngumfama, okwanika amathuba omsebenzi kwabanye abantu abatsha. Ukuba ndingafumana imalinkunzi eyaneleyo, ndingazibandakanya namalinge okuba ngumfama exesha elide.
Ukholelwa ekubeni naliphi na isishishini lifuna ukuzimisela, yaye ukuba nentywenka yemali akwenzeki ngabusukubunye. Elinye icebo kukuba uzijikeleze nabantu abanentshisakalo enjengale unayo yokuphumelela, ucebisa atsho.
KWAKHONA FUNDA MALUNGA NOKULANDELAYO: Umzingisi ophumeleleyo unikela umva idolophu akhethe ubomi basefama
Fumana amaBali amalunga neNguqu: Amabali akhuthazayo asuka kubantu abondla uMzansi.
