UDibela wenze ngaphezu kokuba bekulindelekile ukuphumeza ibhongo lakhe ngokubonakalayo. Akaphelelanga nje ekunyukeleni phezulu kwileri yezamaqumrhu ukuza kufikelela apho kufuneka abeke esweni ukuvulwa kwekhofushophu eLandani, uye wavula ikhefi yakhe kwigaraji kanina – indawo enomtsalane nekungokunje etsala abantu abasuka ekudeni.
IKhefi yeKofu kaSiki yenza ikofu ekumgangatho wehlabathi kwilokishi eseKapa yaseKhayelitsha. Le khefi yindawo exakekileyo etsala oosomashishini, abafundi, amagosa asesipoliseni noluntu ngokubanzi. Ikhe yaseva nkqu nekapteni yeeSpringboks uSiya Kolisi.
Oneminyaka engama31 ubudala uDibela waqalisa ikhofushophu ngo2016 emva kokuba esebenze kwishishini lekofu iminyaka esithoba.
Ukwaziswa kwilizwe lekofu kuqale mhla wayesebenza njengomhlambi wezitya eVida e Caffè. Ukhumbula isinki yezitya ezazinamafutha neekomityi ezazimdaka, kodwa akuzange kube kudala phambi kokuba aqalise ukunqwenela ilinge elitsha.
“Ukuba ngumnini weshishini kwakungekho kwizicwangciso zam, isicwangciso yayikukuba kuphilwe. Ngaphaya koko, ndandiye phaya ukuba ndiyokuba ngumhlambi wezitya, hayi ukuba ndiphuphe malunga nezinye izinto,” utsho.
Ukuqhubela phambili, hayi ukubika le naleyaa
Kwakusekucacile ukuba ukuba liqhawe elingadunyiswayo lerestyu yayingekokufikelela esiphelweni kohambo lwakhe. Umsebenzi womenzikofu wawummangalisa. Indlela ikofu eyayicwangciswa ngayo, ukuqwalaselwa kweenkcukacha kwanonxibelelwano nabantu kwakukhangeleka kuchulumancisa; kwakubhetele kakhulu kunokuhlamba izitya ezinamafutha.
Waye wenza isicelo sokufumana uqeqesho waza emva koko wanyuselwa kwisikhundla sokuba ngumenzikofu. Ukususela apho, umnqweno wokutshintsha impilo yakhe wakhokelela ekubeni uDibela anyuselwe abe ngumphathi wevenkile. Ukuba oko kwakungonelanga, waye wacelwa ukuba avule ivenkile yeVida eLandani aqeqeshe abasebenzi babo abatsha.
“Uhambo lokuya kumazwe aphesheya,” utsho lwaluvula amehlo. Ndaye ndaqonda nje ukuba mangaphi amathuba eli shishini elalinawo. Ndandisonwabela umzuzu ngamnye walo, kodwa ebusuku ndazifumana ndizixhalabisa malunga nekamva. Yintoni endandiya kuyenza xa ndibuyela kokwethu eKhayelitsha?”
Iincoko ezazingumngeni zaye zakhokelela ekubeni abe ngumntu ohamba amazwe ngamazwe eceba iqhinga lokuzivulela ikhofushophu yakhe kwilokishi apho wayekhulele khona. Lo msebenzi wawukhangele uyinto eyayingenakwenzeka yaye unethuba elikhulu lokuba ungangaphumeleli, kodwa ukuzimisela kwakhe, intshisakalo nokuzimisela kwamenza ukuba aphumelele.
“IKapa neStellenbosch azizondawo ndihlala kuzo; indawo endihlala kuyo yiKhayelitsha.” – SIKI DIBELA.
Uthando lwekofu aluseyonto exhaphake kuphela kwiindawo zabanemali kakhulu baseKapa kunye nakwiiWinelands, yaye uDibela wayekwiphulo lokuzisa ikofu edumileyo kubantu abadumileyo basekuhlaleni kwakhe. Akazisoli ngokuvula ishishini lakhe ekuhlaleni kwakhe apho abantu abaninzi baxhomekeke kwiigranti zikarhulumente njengokuphela komthombo wengeniso.
“IKapa neStellenbosch asizondawo ndihlala kuzo; indawo endihlala kuyo yiKhayelitsha,” utsho.
“Le yindawo abantu abayijonga baze bathi, ‘Abantu abahlala apha abanamaphupha.’ Kodwa ndifuna ukuyitshintsha loo ndlela yokucinga. Ndifuna ukubonisa abantu ukuba kulungile ukufuna okungaphezulu ebomini nkqu nokuba indawo ohlala kuyo yilokishi,” utsho uDibela.
Impembelelo yothando lwekofu ngabantu baseKapa
Ngo2016, waqalisa iSiki’s Koffee Kafe kwigaraji kamama wakhe. Into ayithanda kakhulu ngesicwangciso sakhe luvakalelo olufana lodwa nomoya odalwe leli shishini elokishini.
Kukho indawo yokuhlala, indawo evulekileyo kunye neintanethi khefi encinane ebonelela ngeWi-Fi, uDibela uthi ivenkile ivakala njengekhaya elikude kunekhaya.
Yayingumngeni ukufumana abantu ukuba baze bazokusebenzisa le ndawo, noko. Kwakufuneka ukuba aqale acele umngeni kwiingcamango ezimalunga nekofu. Uninzi lwabantu awayejolise kubo babedla ngokuyithanda ikofu eseyilungile efikeleleka ngokuthe kratya.
“Ingcamango yabantu malunga nabantu abasela ikofu eKasi kufuneka ukuba itshintshwe. Xa ndandiqalisa ukwabelana ngombono wam nabantu, babecinga kanje, ‘Yintoni le ingathanga ncam ngale ndoda? Ikhofushophu ibe selokishini? Makube uyaphambana. ‘” uDibela wetyisa ingcinga.
Ngelombulelo, iintsuku zokuba nesizungu ozichitha kwikhefi engenanto yinto yexesha elidlulileyo. Namhlanje, ikhofushophu itsala abathengi abahlukahlukeneyo abasuka kwisiXeko seKapa sonke.
UDibela ibeka iinjongo zakhe zibe phezulu. Angathanda ukufumana imobhayili athengise ikofu kwimisitho nakwiimalike ezingaphandle kwaseKhayelitsha. Ukwenjenje, kufuneka athenge umatshini wekofu oyimobhayili nemoto. Ucinga ukuyibiza ukuba ngu- “Siki’s Koffee on the move” (iKofu kaSiki ehambahambayo”).
Ayithengise ikofu yakhe kwimisitho nakwiimalike ezingaphandle kweKhayelitsha. Uyanqwenela ukuba angafumana
“Ndifuna ukuyiphembelela indlela ebonwa ngayo ikofu eKapa. Ndifuna abantu bafumane amava ekofu esemgangathweni ekroqiweyo yaza yabhlendwa kwalapha ekuhlaleni, neyenziwe ngabenzikofu abasemgangathweni. Injongo ephambili yam kukuhlanganisa uluntu lwasekuhlaleni nekofu yam.”
