UMethoa Zitha ongumthandizidlo osakhulayo uqale ukukuthanda ukutya kwiminyaka eli13 yaye akazange aphinde ajonge ngasemva ukususela ngoko. Xa wayechitha iiyure encedisa unina, uBeauty Mabasa, ekuphekeni izidlo uZitha wafumana ubuchule obungazange busetyenziswe ngaphambili ngokuba sekhitshini.
Ukususela ngoko umfo lo uye wazenzela umsebenzi kwindawo yeerestyu zaseGoli, efunda kwabanye ooshefu abatshatsheleyo baseMzantsi Afrika.
Skrola uhle ukufumana iresipi kwinguqulelo yakhe yesidlo sikanopotyi esithandekayo saseMzantsi Afrika.
“Ngo2016 ndandisebenza kwaMugg&Bean nakwirestyu iSaint ndaza emva koko ndaqalisa ukusebenza njengeshefu encinane kwirestyu iMarble eRosebank, apho ndikhoyo ngoku kule minyaka mithathu idlulileyo,” utsho uZitha.
UMethoa Zitha waye wajonga iimeko zakhe zexesha elidlulileyo waza wagxininisa ekuzixhobiseni ngezakhono ekhitshini endaweni yoko. Namhlanje usebenza esecaleni kwenye yeeshefu ezisemagqabini zaseMzansi, uDavid Higgs.
Umcebisi owamtshintsha ubomi bakhe
UZitha ngoyena mdala kakhulu kwabasibhozo osapho lwakhe lwafudukayo ukusuka eZimbabwe ukuya eMzantsi Afrika phambi kokuba azalwe. Wakhulela eDiepsloot, kumntla waseGoli.
“Ndandisoloko ndizigcina ndixakekile yaye ndandingafundi kubandakanyeka kwiintshukumo zolwaphulomthetho okanye kuyo nayiphi na into eyingozi, kuba ndakhulela kwindawo yabanezimilo ezonakele kakhulu,” utsho umfo lo.
Amandla engqondo kaZitha okugqitha kwiimeko zexesha elidlulileyo apho wayekhuliswe khona kumvulele iingcango eziliqela zokucwangciswa kokutya, kuqukwa nokusebenza ngokugudlana amagxa neshefu esemagqabini yaseMzantsi Afrika uDavid Higgs.
“Yena [uHiggs] ngumfo olungileyo kodwa akazithandi iimposiso. Ukuba undibonisa okuthile, kufuneka ndiqiniseke ukuba ndikwenza kakuhle oko. UHiggs kwakhona undicebisa ukuba ndimamele kwezinye iishefu xa zizama ukundinceda, kuba baya kundibonisa indlela eyiyo yokupheka,”
utsho uZitha.
Ngengcebiso kaHiggs, uZitha ungumntu osoloko enentlonipho. “UHiggs usoloko esithi ‘ungabi neengqondo ezingatshongo khona.
Ubomi bumalunga nokunceda abanye abantu nomfaneleko emehlweni abo,” uyongeza uZitha.
Ubongoza oogxa bakhe abangabathandi bezidlo kwikhitshi labaqeqeshelwe umsebenzi ukuba bavule amathuba ngokusebenzisa ingcebiso yabanamava.
“Kholelwe kuwe yaye ungathandabuzi ukufumana inkxaso ethile.”
Lo mthandi wezidlo uselula kwakhona ungumnyawuzibhayisekile onobuchule osele egqibe umdyarho iAbsa Cape Epic kunye neImana Wild Ride.
KWAKHONA FUNDA OKULANDELAYO: Abathathu baseSoshanguve bantingela phezulu kwezolungiselelokutya
Yenza isityu senyama yegusha sikanopotyi esinandiphekayo sikaMethoa
UZitha unezicwangciso zokuzivulela irestyu yesiTaliyane yakhe ngenye imini. Ebonisa izakhono zasekhitshini zakhe, uZitha ulungiselele iresipi enandiphekayo yenyama yegusha kanopotyi.
Ingredients
- 1kg yenyama yegusha (esethanjeni)
- 2 amatswele anqunqiweyo
- 4 iitapile ezizinqunqwe zankulu
- 2 iminqathe
- 350g iibheyibhi maro neembotyi eziluhlaza
- 2 tsp yejinja negalikhi
- Ipepile emnyama
- 400 yeegrem zeetomato ezipheleleyo ezinkonkxiweyo
- 5 amagqabi iibay leaves
- Ityuwa yokunandiphekisa
Instructions
- Zalisa umphakathi wembiza ngeoyile uyenze shushu ioyile.
- Galela itswele ele embizeni yakuba shushu ioyile. Kroqa itswele lide libe bhrawuni.
- Ukunandiphekisa, faka igalikhi nejinja uzipheke ngemizuzu emi5.
- Galela iminqathe neetapile uziyeke ziphekwe de zithambe.
- Faka inxalenye yezinongo upheke malunga neeyure ezi2 ngobushushu obusezantsi. Sonwabele esi sidlo nerayisi.
