Bayaziwa abantu baseMzansi ngokuzifela ngommbila. Ukudla okudliwa kakhulu emakhaya amaningi ngoba yilapho sithola khona impuphu, intandokazi yethu esenza ngayo ipapa.
Umlimi osafufusa waKwaZulu-Natali uNks uNokuthula khoza uqale ukwenza izinto ngendlela ehlukile esebenzisa omunye ummbila ukwenza inhlama yemasa ukuphekela umndeni wakhe okunye ukudla okuthandayo.
IMasa inhlamba eyenziwa ngommbila exutshwa nezinto ezifana ne-lime eyomiswayo nevame ekudleni kwaseLatin America okwenziwa ngakho izinto ezifana nama-tortilla, ama-tamales nama-pupusas.
Uqale ummbila ucwiliswe emanzini ane-lime. Emva kwalokho uyagezwa ngaphandle, lokhu kwandisa umsoco wommbila futhi kwenza ugayeke kalula kanti unambitheka kamnandi kakhulu. Usuke usubizwa nge-nixtamal kanti ungomiswa, uphekwe uphelele noma ugaywe ukwenza imasa. Lena inhlama engasetshenziswa ngezindlela ezihlukene.
Umdoko/Imbila
Nanka amanye amaresiphi eningawazama:
- 1 ilitha yamanzi
- 2 ½ izinkomishi zemasa
- ½ inkomishi kashukela
- 3 olamula
Indlela yokwenza
- Qale ubilise amanzi
- Uma amanzi eseqala ukubila, xuba imasa namanzi abandayo endishini, ugoqoze kuze kuhlangane kahle.
- Thela emanzini abilayo, ugoqoze ngesikhathi uthela ebhodweni.
- Yeka kubile imizuzu ewu-20.
- Emva kwemizuzu ewu-20, zitike ngomdoko wakho.
Isijingi
Izithako
- I-Butternut
- Ushukela
- IMasa
Indlela yokwenza
- Cwecwa uqobe i-butternut ibe yizicucu.
- Yengeza ushukela ukuze kunambitheke.
- Thela amanzi ebhodweni ubeke esitofini.
- Liyeke labile ize ithambe i-butternut, uma isithambe kahle, faka imasa
- Ugoqoze kuze kuhlangane kahle.
- Yeka kubile imizuzu ewu-25. Emva kwalokho kuzobe sekulungile
Isiphuzo esibandayo
Izithako
- 3 izinkomishi zemasa
- 1 ilitha yamanzi
- Usawoti omncane
- Ushukela (uma uthanda)
- 1 inkomishi yobisi
- 1 ulamula
Indlela yokwenza
- Pheka lezi zithako njengephalishi.
- Kungabi iphalishi elishube kakhulu.
- Lilinde liphole ngaphambi kokuliphuza.
Maize Spiral Chips
Izithako
- 1 inkomishi yemasa
- Usawoti omncane
- Ushukela omncane
Indlela yokwenza
- Xuba ndawonye bese uyakuthosa epanini elingafakiwe amafutha
- Sopi (Ukudla kwakwaXhosa)
Sopi (Ukudla kwakwaXhosa)
Izithako
- Ummbila obilisiwe
- Ubhontshisi obilisiwe
- 1 izambane
- Usawoti
- Amanzi
Indlela yokwenza
- Qala upheke ummbila kancane kodwa ungavuthwa
- Faka ummbila kubhontshisi ebhodweni.
- Ufake zonke ezinye izithako uzipheke uze uthambe.
- Kudle nesinkwa semasa
