Uyaluthanda uluntu lwasekuhlaleni kwakhe, uyintloko yeshishino lezolimo nemfuyo, kwaye unombono wokwenza ngcono indlela yokuphila yakhe kunye nezingokhuseleko lokutya eMzansi. USiyabulela Siyamthanda Skepe uvelisa izilimo ezahlukeneyo kwizikolo eziliqela nakumaziko karhulumente eBhisho nakwimimandla eyingqongileyo eMpuma Koloni, apho wayezalelwe wakhulela khona.
Ngenxa yokwahlukana kwabazali bakhe ngowe1995, yena nomama wakhe bafudukela eHewu, ekufutshane neVetlisi, apho waye wakhula umdla kwezolimo nemfuyo.
Umakhulu wakhe, onguNombulelo Sishuba, wayengumfama ozinikeleyo owayelima iindidi ezahluke kakhulu zezilimo emhlabeni wakhe. Oku kwakuquka umbona, imixoxozi, amathanga, iitapile, ispinatshi, itswele, iminqathe, ibhitruthi, iiertyisi, ikhaphetshu, kunye nemithwane (iincam zemilibo yethanga).
Namhlanje, uSkepe ulichule kwisiveliso esitsha esivela kuzo zonke iindawo alima kuzo, eziquka iTyutyu Primary, iSnako Primary, kunye neZameka Primary School. Uxakekile kwakhona kuthethathethwano neBisho High kunye neBisho Primary.
“Ndisebenzisa ubugcisa obuziindidi ezimbini: ukusebenza igadi ngezinto ezioganikhi kumhlaba ovulekileyo kunye nenkqubo yothontsizisomanzi yehayidroponikhi kumjelo wamanzi. Ngokusebenzisa iihayidroponikhi, songa inxalenye eninzi yamanzi. Xa kuthelekiswa nendlela yonkcenkceshelo eqhelekileyo kumhlaba ovulekileyo, songa ngaphezu kwama60% okanye ngaphezulu wamanzi,” utsho.
“Ngaphezulu, ufumana imeko elawulwa kakhulu ekunako ukuba ibe sele isetyenziswa ngendlela umntu afuna ngayo (enjengobushushu bomzimba kumjelo ohambisa amanzi. Isivuno kwakhona siyaphucuka ngokutshintsha izondlo kokuxutywa nezixhobo zokunkcenkceshela.”
Yonekani amaphiko akhe
Njengenkwenkwana, uSkepe wayenomdla wokwazi ngoshishino, yaye ukufuna ulwazi kwakhe kwamkhokelela kwishishini lokuthengisa iilekese, kunye neephefyum.
Eyunivesithi waye wavana kakhulu nozakubo waseTsomo owayebhalisele inkqubo yocwangciso lwezemali, yaye aba babini bathi gqolo ngokunxibelelana qho ngezophuhliso lolimo nemfuyo. Uthando lukaSkepe lokuba ngumlimi nomfuyi lwaye lwangena nzulu ngokuhamba kwexesha.
“Ndaqalisa njengonozakuzaku waseCapitec Bank ngowe2012. Elo candelo lapheliswa ngowe2014, ndandisebenza njengomphathi oncedisayo apho de ndemka ngowe2016.”
Bobabini bafumana iploti yomhlaba eyayisuka kumhlobo wosapho baza bayisebenzisela ushishino lwabo.
“Qho ngenyanga, ndandidla ngokumnika imali ukwenzela ukuba aqalise umsebenzi wokuba ngumfama kunye nathi. Ndakwenza oku unyaka wonke.”
USkepe uthi wayedla ngokuqhuba aye Emawusheni qho ngempelaveki kangangeminyaka emibini, ukususela ngowe2016 ukuya kowe2017, ukusebenza kwiprojekthi yabo. “Ekuqaleni, sasebenza kwiihektare ezintathu saza sandisa kwade kwaphuhliseka iploti yonke.”
Ukuqala kwethuba elitsha kraca
USkepe uthi ekuqaleni, babenike ingqwalaselo ekukhuliseni imifuno emitsha nokufuya iinkuku. Bagqiba ekubeni bakhe iikhoteji kwisiqwenga esinye somhlaba ukwenzela ukuba babe nako ukuhlala efama njengoko yaye yanempumelelo.
Baye babonelela ngeenkonzo kumashishini asesikweni nangekho sesikweni kwiingingqi zaseCofimvaba naseTsomo. Abathengi babo babebandakanya iivenkile ezinkulu uSpar noBoxer. Ukongeza koko, babesebenza kwindlwana yokuthengisela eyayiphambi kwevenkile uSpar.
“Nakuba kunjalo, iipolitiksi zefemeli zavela ngokungathandekiyo yaza ifemeli yabanga ubumnini bomhlaba ngeenjongo zolimo. Mna nomhlobo wam asizange saba namvumelwano yengqesho yepropati ke ngoko sanyanzeleka ekugqibeleni ukuba siyishiye loo projekthi.”
Iimeko ekwaba nzima ukuzoyisa
USkepe wayeka kwiprojekthi ngowama2019 wabuyela ekhaya engenanto yaye edandatheke kakhulu ngenxa yokuba yonke iprovidenti fandi yakhe wayichithela kule projekthi.
“Eyona nto yayilusizi kakhulu kukuba kwakungakwazeki ukususa nantoni na, njengoko uninzi lwezinto zale projekthi zazisisigxina kwipropati, ezinjengezindlu nokuphuculwa kokutyeba komhlaba.”
Ekugqibeleni, imbono yaye yavela. Wacinga ngomhlaba owawungasetyenziswa mntu kumaziko karhulumente.
“Injongo yam yayikukufuma iipropati ezazibiyelwe isigxina nezazineenkqubo zamanzi ezithembakeleyo. Izikolo zathi qatha kuqala engqondweni.”
USkepe waqhagamshelana nesikolo wathembisa ngokulima aze yena ahlulelane ngesiqingatha sengeniso yesivuno.
Ngoku uqhuba ezolimo kwimihlaba yezikolo zaseBhisho, ezibhedlele, nakwiikholeji zamapolisa waza wazithengela nkqu neyakhe iploti.
“Ukususela oko ndaqalisayo ukulima ezikolweni, ndaye ndenza isicelo sokwandiswa kwekharityhulam kuzo zonke izikolo apho ndisebenza khona. Injongo yayikukufundisa abantwana malunga nezolimo kunye noncedo lwako kutshintsho lwemozulu yexesha elide kunye nenzuzo ngokwezemali.”
Yintoni eyaphembelela le mbono?
USkepe wavakalisa injongo yakhe yokutshintsha indlela abantu ababesuka kwiindawo ezazihlwempuzekile ababelubona ngayo ulimo.
Waqaphela ukuba zikhona iindleko zokuqala ezingephi ezibandakanyekayo kulimo, oko kuthethe ukuba oko kunokuqala njengeshishini elincinane lasekhaya lo gama umfama lowo wayecinga ngeendlela ezinokukhethwa zokwanda.
“Kunetha okanye kunganethi, kwiminyaka emithathu ezayo ndiza kuba ndingumnini wefama yam. Iya kwakhiwa kanye ngolu hlobo ndinomfanekiso wayo, yandise kakhulu ubuchule beBhisho.”
Ingcamango yokuba “ilinge elisetyenzelwe nzima liyinzuzo” yinyaniso kwabanako ukuba ngoosomashishini, utsho uSkepe.
“Kholelwa kuyo nantoni na ofuna ukuyenza. Yenza uphando, wangaphumeleli, ufunde koko, uwenzisise umsebenzi wobugcisa bakho. Uba yingcaphephe kuphela ngokungena kumsebenzi.”
Ezolimo olusebenzisa olusebenzisa izinto ezioganikhi ubukhulu becala zisebenzisa izithako zasendalweni kunezo zenziweyo. Uthi oku kulondoloza izinongo ezifumaneka ekutyeni, okukhokelela kwimifuno esempilweni ngaphezulu kunye nempilo ephucukileyo.
USkepe kwakhona usindleka iiseshoni u-“The Hat, apho ashicilela khona iividiyo ezingezolimo. Usasaza iividiyo ezo kubantwana bezikolo zasekuhlaleni nakumafama ukwenzela ukuba lo mxholo unike umdla nangakumbi kwanokwabelana ngobungcali bakhe kwiinkqubo ezitsala umdla.
OMAKUFUNDWE OKULANDELAYO: Umfama onguMahlatse uyavuya malunga noko anako
Fumana amaBali angeeNguqu: Amabali akhuthazayo asuka kubantu abondla uMzansi.
