Ngowama2019, uSomashishini, uLungelo Mgaga noPatric Thokkie baqalise ishishini lokwenza ishishini kwikhitshi likaMgaga ngeR800 kuphela. Esi sibini, sikunye noThabo Twala owaye wazibandakanya nabo kamva, bayinjini yeLoxion Fruit Beverages, inkampani evelisa ijusi ezinze eDobsonville eGauteng.
UMgaga, oneminyaka eli10 yamava esebenza kwindawo yoshishino ngokwemiyinge yeempahla emincinane (retail space), uthi izifundo zakhe kwezobudlelane noluntu zikufanele ukusekwa kweshishini.
Uthi ishishini laqalisa ngenxa yothando olukhulu abanalo yena noThokkie. “[Ishishini lejusi lethu] laqala kwizitrato zase ‘Dobsi’, phakathi kwabafana ababini basekasi, bedibana kunye benomoya wobusomashishini. [Sasinawo] umbono owawuphenjelelwa ukhuthazwa luthando olukhulu lweshishini kwishishini leziselo nokutya.”
Ekuqaleni esi sibini sathenga amanzi acociweyo, asexabisweni elisezantsi kwiibhotile zamanzi, kunye nemathiriyeli yokupakisha, phakathi kwezinye izithako. Uthi babengena umnyango nomnyango eDobsonville, bethengisa isiveliso sabo nokuphucula incasa.
“Thina [siqale] uLifeway Imphatho Brands, iqumrhu legama leshishini yiLifeway Imphatho Brands, enobumnini obuli100% leshishini nequmrhu. ULoxion Fruits ngumxube wejusi yeziqhamo ongu100%.
Isiselo sabantu
UMgaga uthi ukuveliswa kwejusi kuphenjelelwe kakhulu yiDobsonville, yaye ngoko ke ngokuyenza, babezama ukutsala inkcubeko nesithethe sabantu abakuloo mmandla lo gama bekhupha “enamandla, enencasa yeziqhamo ijusi”.
Iziqhamo abazisebenzisayo ukuvelisa ijusi, utsho uMgaqa, isuka kwiifama ezikufutshane. “[Thina sifunxa] ulwelo lwendalo [kwisiqhamo]. Yaye [ngayo] intlama enencasa yeziqhamo, sivelisa ekumgangatho ophezulu [ijusi] ngamanzi acociweyo. Sisebenzisa umatshini wokuxuba ijusi ukuya kutsho ekufakweni [kwayo] kwibhotile, ukuvalwa ngeziciko kunye nokuyileyibhelisha.”
Le nkampani khange ingabi nazo iingxaki, uyacacisa uMgaga. Uthi ukufikelela kwimarike yokuthenga ngemiyinge emincinci (retail market) kuye kwangumngeni, kananjalo kwanqongophala imali, ngamanye amaxesha singaphumeleli ngenxa yokuba abathengi abazenzi iintlawulo zabo.
“Ukuzama ukufumana iqela elinamandla eliya kuphumeza umbono [kwakhona ngumngeni], kodwa ezinye zezinto eziluncedo [zisuka] ekuboneni abathengi abonelisekileyo. Ukukhulisa igama leshishini [lethu] ngokwasekuhlaleni nasebantwini, [ingakumbi] xa bekubiza ngegama leshishini.”
Umbono kaMgaga wegama leshishini iLoxion Fruit Beverages aliphelelanga eMzantsi Afrika. Uthi ngoku basebenza umba wokudibanisa iziveliso zobisi kwigama leshishini labo, yaye ekugqibeleni bafuna ukunabela kwizwekazi liphela.
“[Umbono wethu [kukuba] sibone iLoxion Fruits ikwiindawo zamashishini entengiso amakhulu nakubanini beholiseyile, yaye ngenye imini, uya kunabela kumazwe ngamazwe ukuya kwiAfrika [iphela]. Yijusi yabantu, okanye ijusi yaseKasi.”
Ingcebiso kaMgaga kwabo banqwenela ukuba ngabenzi bejusi kulula: “Ungapheleli nje ekulaleni uphuphe amaphupha akho, hlonipha umbono wakho, yiba nesicwangciso sokusebenza, yenza konke okusemandleni akho, yaye unganikezeli.”
Tyikityela ukufumana uMzansi Today: Okuchazelwa yonke imihla okuziindaba kwanezenzeka ngoku
