Ingaba wawukhe waphupha ngokufuya iibhokhwe, ukubhaqa amathuba emalike phaya ngaphandle? Ukuba kudala ufuna ukufunda indlela yokufuya iibhokhwe, nceda ungayi kude! Nasi isikhokelo kwimiba eyahlukeneyo engokuqaliswa kwefama yeebhokhwe, kunye nolwazi lwangaphakathi olusuka kumfama weebhokhwe onamava
UNeo Leburu, ongumfama obhinqileyo oselula ngokweminyaka osuka eGanyesa, emNtla Ntshona, ube ngumfama weebhokhwe ithuba elingaphaya kweminyaka elishumi ngoku.
Umama wakhe wazuza ibhokhwe eyayimithi njengesipho ngelixa uLeburu wayekwisikolo semfundo ephakamileyo. Wathi mhla umama wakhe wacebisa ukuba makutshintshiswe ngayo, uLeburu akajika ekubeni ukuba kwakungcono ukuba bayigcine.
“Sagqiba ekubeni sivelise owethu umhlambi wemfuyo omncinane, yaye andizange ndibuye mva ukususela ngoko,” utsho uLeburu.
Injongo yakhe yayikukuba sivelise iiBoer gowuthi size kananjalo sithengise sibonelele ngokunjalo ngeziveliso ezisemgangathweni. Ishishini lakhe libalasele ekuthengiseni inyama yebhokhwe, yaye uqeshe ababhinqileyo abahlanu. Uyawuthanda umsebenzi wakhe.
“Ngamanye amaxesha andiwuqapheli nomthwalo womsebenzi oziswa kukufuya iibhokhwe,” utsho.
Xa kunjalo, masiqale ngamanyathelo okuqala wokuqalisa ishishini lakho lofuyo lweebhokhwe: uzikhethele uhlobo ofuna ukuluvelisa. Eli linyathelo lokuqala elibalulekileyo.
1. Ukuzikhethela uhlobo lweebhokhwe ofuna ukuzivelisa
Kubalulekile ukukhetha uhlobo lweebhokhwe oluchanekileyo ukwenzela ishishini lokufuya lakho. ULeburu uthi wafumana ubunzima ekuqaleni, kuba waqalisa kuqala ngohlobo olwalungekho semgangathweni.
“Yenza uphando lwakho kakuhle, kufuneka ulwazi ukuba loluphi uhlobo ofake utyalomali lwakho kulo. “Ukuba ndandiqale ngohlobo olusemgangathweni,” utsho. “Ukuba ndandiqale ngohlobo olusemgangathweni ngesele ndingumfama ongusomashishini omkhulu ngoku.”
Ukufikelela koku bekuya kunceda ukwazi uhlobo lwemalike ofuna ukungena kulo. Kukho iintlobo ezithile ezikulungele kakhulu ukuvelisa ubisi netshizi, inyama okanye ezokufuywa. ULeburu uthi kukho isikhewu kwezemalike esikhulu senyama yebhokhwe kwangokunjalo nesobisi lwebhokhwe ukulungiselela abantu abangathandwayo lubisi lwenkomo.
Here are some of your options for goat breeds in South Africa:
Iintlobo zebhokhwe ezinjengeeBoer gowuthi, iiSavanna kunye neeKalahari Red zaziwa kwihlabathi jikelele yaye zezona zifunwa kakhulu ngenxa yeempawu ezisemagqabini zazo ezinjengokulungelana neemeko, ukomelela, ukukwazi ukunakekela inzala yazo, uveliso lwenyama kunye nesantya sokuzala kwazo esiphezulu.
Uhlobo lwebhokhwe oluyiBoer gowuthi enodumasi lwavela lwavela eMzantsi Afrika, ngokufanelene neeBoer gowuthi. Ngenxa yokhuliso lwazo olungumsebenzi omkhulu kule minyaka ingama50 idlulileyo okanye ngaphezulu ngabakhulisi beebhokhwe, iBoer gowuthi ithathwa njengeyona isemagqabini kulo naluphi na olunye uhlobo oluvelisa inyama.
Kukho iintlobo ezithile zoboya imohair nomchako wekhetshemiya ngokunjalo. IGorno Altai neSaffer ziintlobo zeebhokhwe ezimbini ezaziwayo ngokuvelisa kwazo uboya icashmere lo gama iAngora gowuthi ivelisa uboya imohair.
Kwezinye iingingqi ekubaleleyo kuzo kumntla ntshona waseMzantsi Afrika, ukufuywa kakhulu kweebhokhwe kwenziwa ngokudibeneyo nohlobo lweegusha eziziiPersian, Dorper neKarakul. IAngora gowuthi ngokunjalo luhlobo lwebhokhwe olufuywayo kwiMpuma yaseKaroo.
2. Uqeqesho, amava kunye neengcebiso zabanamava
Akuxhaphakanga ukuba ube ngumfama kwinkalo ofuna ukungena kuyo ngaphandle kwalo naluphi na uhlobo lwamava. Kukho izinto ekunokukhethwa kuzo ozifundayo ezikwi-intanethi, ukwenziwa kweekhosi zoqeqesho, kwakunye nokusebenza ngokungesosigxina nomfama onamava ukwenzela ukuba ufunde kuye yaye ufumane umcebisi.
ULeburu wayengumfuyi ongesosigxina phambi kokuba azinze ekufuyeni iibhokhwe isigxina. Nkqu nangoko wayesawugcinile umsebenzi osecaleni wokumngenisela imali.
“Ndinomcebisi ondicebisayo ukuba ndibe ngumfama ongusomashishini omkhulu,” utsho. “Ngoncedo lwakhe ngethemba ndiya kungena kungekudala kwezamafama angoosomashishini abakhulu,” utsho.
“Amava uwafumana ebudeni bexesha,” utsho uLeburu.
Unokuzifumana iikhosi zokuqeqeshelwa ukufuya iiBoer gowuthi apha.
3. Choosing the right land
Umhlaba uyimfuneko ebalulekileyo kwishishini lokufuya iibhokhwe ngokwemimiselo yoosomashishini abaphumeleleyo yaye kufuneka ufumaneke ngokwaneleyo. Kubalulekile ukuqinisekisa ukuba unendawo eyaneleyo ukwenzela ukuba ibhokhwe nganye ihlale ngokukhululekileyo kungekho mingcipheko yezempilo.
Ziya kufuna umhlaba wokuhambahamba nokutya, kwakunye neeshedi zokulala. Emva kokuba uqinisekisile ukuba zingaphi na iibhokhwe oya kuzifuya, unako emva koko ukwakha ishedi yeebhokhwe zenani elo uluqikelelayo lomhlambi wakho. Iibhokhwe zifumana ubuncinane beemitha ezisikwere ezingama60 zomhlaba wokutya ngebhokhwe nganye, ngokwemimiselo yesikhokeloncwadi iFarm and Animals
Ngokumalunga nendawo engaphakathi kumasango, ababoneleli ngeemveliso zomthi bakwaSabie Poles bacebisa ukuba iBoer gowuthi nganye ifuna ubuncinane beemitha ezisikwere ezimbini zokuhlala, ngokomndilili. Ukuzibeka kwimeko ekhuselekileyo, kufuneka usebenze ngeemitha ezisikwere ezingu2.5 ngebhokhwe nganye. Ngoko ke, ukuba uceba ukuqalisa ngeebhokhwe ezintlanu, ishedi yeebhokhwe zakho kuya kunyanzeleka ukuba ibe ziimitha ezisikwere ezili10 ubuncinane. .
4. Qiniseka malunga nokubiya ngokufanelekileyo
Ukubiya kuthathwa njengenye yezinto ezibaluleke gqitha ekufuneka zithathelwe ingqalelo phambi kokuqaliswa kwefama yeebhokhwe, ngokokutsho kwabakwaRoy’s Farm. Kuyenye yeendlela zotyalomali olwenziwa kwangaphambili oluneendleko ekufuneka ukuba ulwenze ukulungiselela ifama yeebhokhwe zakho.
Elinye lamadabi kaLeburu kukuba ngoku engakwazi ukuba angathenga iBoer gowuthi esemgangathweni ngenxa yokungabi nalucingo lufanelekileyo. Ngako ke, kubalulekileyo ukuba nocingo olusemgangathweni ukwenzela ukuba ube nako ukufuya iinkunzi zegusha ezisemgangathweni. Ukuba azibiyelwanga ngokufanelekileyo, iinkunzi zohlobo ezibalaseleyo ziya kuzulazula esithubeni zonakalise iimpawu zembali yofuzo zomhlambi wakho (herd’s genetics).
Nangona usenokufuna ukuqalisa ukubiya ngocingo olufikelelekayo ngexabiso, umana uphucula njengoko uye uqhubela phambili, vela nje uthathe inyathelo elililo ukwenze oko ngokufanelekileyo kwaukusukela ekuqaleni. Oko kuya kuhlangula ekusokoleni nasemalini ekuhambeni kwethuba kuhambo lwakho lokufuya iibhokhwe.
Isizathu soku sihle kakhulu: iibhokhwe zingoogqadambekweni yaye zikuthanda kakhulu ukuhambahamba. Yaye kwakhona zingamagcisa amakhulu okuthubeleza ziphume. Iibhokhwe ziya kukhwela elucingweni, zizame ukufaka iintloko zazo kulo, zizame nokubaleka ziphume elucingweni yaye ziya kuzigudla kananjalo kulo ngamandla. Ngako ke, ucingo lwakho kufuneka lomelele ngokwaneleyo kangangokuba lube nako lugcine ukuthembakala kwalo ukuba iibhokhwe zakho zenza ezinye zezi zinto
5. Fumana indlela eyiyo yokuzondla
Njengazo zonke ezinye izilwanya, iibhokhwe zifuna indlela yokufikelela lula kumanzi acocekileyo nasekutyeni okuninzi kakhulu. Nkqu nokuba kukho amadlelo avulelekileyo okutya, iindleko zokuzondla zisenokuba zezinye zeendleko ezinkulu kakhulu zakho, ngokukaBizbolts. Oku kubangelwa kukuba kufuneka uzibonelele ngokutya okungaphezulu.
Iibhokhwe ziya kukhangakhangela kuqala edlelweni, lo gama zidinga ukutya okuncedisayo ukuba unenjongo yokulandela ukuba ngumfama ongusomashishini omkhulu, okanye ngeesizini apho idlelo lingenasibonelelo samagqabi linaso. Iifidi ezincedisayo ziquka ukutya okuziinkozo, ifula (hay), iifidi ezithengiswayo zeebhokhwe zoshishino, iityuwa kunye neeminerali. Isicwangciso seshishini lokufuya iibhokhwe zakho kufuneka lithathele ingqalelo iindleko zokondla.
Kunzima kakhulu phandle kumafama abhinqileyo
Yaye oku kuquka iziseko zokuqalisa ukufuywa kweebhokhwe. Njengokuba ebetshilo uLeburu, amava afumaneka ngokuhamba kwexesha. Ngako ke qinisekisa ukuba uthatha ixesha lakho wenze uphando olululo kunye noqeqesho ukufumana amava. Kwakhona ucebisa ukuba kufuneka usoloko uwavulile amehlo akho ukulungiselela amathuba okufunda amatsha lo gama usaqalayo.
Nangona i-intanethi izela ngamanqaku akukhuthazayo ukuba uqalise ukufuya iibhokhwe (zizilwanyana ezibukekayo kakhulu, ezinoncedo kakhulu kwezoqoqosho), asikuko ukuba iyinto ohamba lula kuyo.
“Imingeni ikhona kuyo yonke indawo,” ulumkisa ngelitshoyo uLeburu. “Andinakutsho ukuba kulula.”
Eyona mingeni yakhe ihamba nokuba engumntu obhinqileyo kwishishini elonganyelwe ngamadoda. Kwakhona, ngenxa yenxalenye yomsebenzi okutsalisa nzima wasefama udinga uncedo. Ukuba ngumfama asingomsebenzi womntu omnye.
Wafumana ubunzima ngokunjalo ukufumana umcebisi. “Zange bandithathe ngondileko,” utsho. “Mhlawumbi yile nto yokuba ndandiselula ngokweminyaka, okanye kuba ndandingumntu obhinqileyo.”
Icebiso lokugqibela kumafama eebhokhwe exesha elizayo
“Yiba nomonde nentshisakalo,” uyacebisa uLeburu. “Ukuba ngumfama asilolinge lokutyeba ngemini enye. Kodwa inzuzo inkulu, yaye nemalike inkulu, ingakumbi ngenyama yebhokhwe.
Kwakhona ufuna ukukhuthaza abanye ababhinqileyo ukuba bazibandakanye namava ezokufuywa kweebhokhwe, ebamkela ngezandla ezishushu bonke ababhinqileyo abafuna ukuza kuye ukuzokufumana ingcebiso nesikhokelo.
“Ndicebisa amanenekazi aselula ukuba azibandakanye nathi,” utsho. “Lo msebenzi asingowamadoda kuphela, silapha nathi yaye siyaphumelela.
ULeburu ugqibezela icebiso lakhe ngokubhekisa kumafama eebhokhwe ngelithi, “Ningoyiki, oku kuyakwazi ukwenzeka.”
