Kubantu abaninzi, ukwahlula ixesha Phakathi kwamava ahlukene njengempumalanga entshonalanga ngumsebenzi omnye onzima kakhulu; ngulowo uKolobe Lebepe awamkela ngokungenaloyiko.
Apha evekini, ulilungu leSouth African Army Engineer Formation, iqumrhu elilawula iiyunithi zobunjineli bomkhosi belizwe. Kodwa kwiiveki ezimbini, yinto oqinisekileyo ngayo ukuba uya kumfumana kwiweksuti emdaka kwifama ezihektare ezintathu yakhe e Moletši Ga-Komape, kwiikhilo ezimbalwa nje ukusuka ePolokwane, eLimpopo.
“Ndinomncedisi osisigxina wam obeka esweni izinto ezininzi efama yaye, ekufuneka ndimncome ngokunjalo ukuba, uqhuba kakuhle kakhulu malunga nokuziphuhlisa. Kumalunga neeyure ezine xa uhamba ngesithuthi. Ngoko ke, qho ekupheleni kweeveki ezimbini ndiba lapha efama ukuncedisa ngeembono ngekufuneka kwenziwe,” uxelela abakwaFood for Mzansi.
“Xa ndineeoda ezininzi kakhulu, ndiye ndiphume apha ngo4:00 ze ngo7:40 ndibe ndizichaza emsebenzini ukuba ndikhona. Kuze, emva koko, ndiye kwakhona eLimpopo emva komsebenzi, ndiye ePitoli ngentsasa elandelayo.”
Kwesi siqwengana somhlaba ozinze kufutshane neentaba, uLebepe nomnini ongugxa wakhe uFannie Malala ukhulisa kuphela izilimo ezingafuni kusetyenzwa kakhulu, ezinjengeetumato neevatala.
Namhlanje, kunqabile ukufumana umfama osakhasayo ongazange wenza sicelo sokuxhaswa ngemali ukukhulisa ishishini lakhe, kodwa uLebepe ngokumangalisayo akazange enjenjalo. Uchaza umgaqo wokunikwa kwenkxaso yemali osetyenziswa ngurhulumente namanye amaziko.
Ingxaki yokuba ngumsebenzi karhulumente
“Esona sizathu sibalulekileyo sokuba kuba kwakutheni ukuze ndingenzi sicelo senkxaso yemali kukuba ezinye zeemfuneko ezingummiselo kukuba kufuneka uthi kanti akuqeshwanga lisebe likarhulumente yaye kufuneka ube sefama ngokusisigxina, nanto leyo ndiyifumana icalula, ingakumbi leyo ithi kufuneka uthi kanti akuqeshwanga lisebe likarhulumente,” uLebepe echaza oko edanile.
“Kuba asikuko nokuba ndiyifumana simahla loo mali kwisebe likarhulumente. Ndiyisebenzela nzima kakhulu. Kweli icala, ndisebenza nzima kakhulu ngokunjalo efama, yaye ndiyavelisa. Kufuneka sihlolwe ngokokugqwesa. Nam ngokunjalo ndandingomnye wababevinjwe amathuba kwixesha elidlulileyo.”
Imbono yokwanda nokungena kwezoshishino inomtsalane kumafama amaninzi, kodwa uLebepe akakawexuleki. Ngokwendlela abona ngayo, ukhetha ukuba athengise isiveliso sakhe ngokwakhe kwimalike yasekuhlaleni, kunokuba atyelwe imali ngamashishini amakhulu athengisa ngemiyinge emincinane (big retailers) amqingqela amaxabiso ngokwawo.
“Amashishini amakhulu athengisa ngokwemiyinge emincinane axhaphaza kakhulu. Ndikhetha ukuzenzela eyam imalike ngokuthengisa kubathengisi basesitratweni nakubahlali, nangona abahlali bengasoloko bethenga ngobuninzi, ubuncinane ufumana konke okuyinzuzo,” utsho uLebepe.
“Abathengisi ngokwemiyinge emincinane (retailers), kwelinye icala, bakunyanzelisa ngamaxabiso wabo. Indlela yokumisela amaxabiso yabo ayilunganga kwaphela. Mhlawumbi kwithuba eliya kuza xa ndingumfama ongusomashishini kuya kufuneka ukuba ndizisele iimpahla amashishini athengisa ngokwemiyinge emincinane, kodwa okwangoku, ugxininiso lukubahlali nakubathengisi basesitratweni. Kwakhona, ukuba ngumfama ongusomashishini kuquka ukusetyenziswa koomatshini kakhulu, yaye ukuba ngumfama kuquka usetyenziso loomatshini oko kufuna imali eninzi.”
Ukuqukwa kwegrafikhi dizayini kwezobufama
Xa kuthelekiswa namafama amaninzi anomdla kuphela ekukhuliseni nasekuthengiseni izityalo, okunika umdla ngoLebepe kukuba ingqondo yakhe itsalekele kwezinye iinkalo zomxolelwano wokuhanjiswa kweempahla zezolimo ezinjengokwenziwa nendlela yokuma kokupakishwayo.
“Ndingathanda ukuba ngumnini wonxibelelwano lokuhanjiswa kweempahla kuveliso lwezityalo ukusuka ekuveliseni ukuya ekwenziweni kwazo, ukuya ekupakishweni kweempahla, kwanokuziswa kweziveliso kwimalike yeziveliso ezitsha yam,” uyacacisa uLebepe.
Okubhetele nangakumbi, uchaza ukuba umdla wakhe nguwo omkhokelele ukuba makabhalisele isidanga seeMastazi kwigrafiki dizayini eVaal University of Technology. Ithisisi yakhe iphanda ngonxibelelwano lokubonwayo kweegrafiki kuyilo lokupakishwa kokutya.
ULebepe uchaza ukuba, nakuba kunjalo, abahlali abaninzi nangoku abakamthathi ngokunyanisekileyo. Kwiintsuku ezintathu phambi kokuba ilizwe lingene ekumisweni ngxi kweentshukumo okunzima kweKhovidi19, wanikwa ekugqibeleni iifama eziihektare ezintathu yinduna yaselalini.
Kumthathe ixesha ukumcenga, utsho, ngenxa yokuba ubukhulu becala yayingumzimba omncinane wakhe owawumenza ukuba akhangeleke esemtsha kuneminyaka ncam yobudala bakhe. ULebepe ugxininise ekubeni ajongwe ngokweziphumo zakhe kwifama kunokuba bajonge kwinkangeleko yakhe.
Yaye, sibulela ubukhulu becala kuMalala, umhlobo wezobunjineli bemekhenikhi, owayesakuba ngugxa wakhe kumkhosi weSANDF okwayinxalenye yeChakula Lifestyle, uLebepe akazange enze kancinane ngexesha lokuvuna.
Ngaphezulu, uLebepe ugcina inani elingephi leenkomo neebhokhwe, ezoluswa ngomnye umntu kwifama eziihektare ezingama72 awayeshiyelwa njengelifa nguyise eBochum, kwilali yaseGa-Raweshi.
Uthakazelela lonke ithuba kwezolimo nemfuyo.
“Monna wa tlala ga a robale!” utsho. Umntu ofa yindlala akakwazi kulala.
Fumana amaBali ngezoTshintsho: Amabali akhuthazayo asuka ebantwini abondla uMzansi.
