Akunandaba ukuthi uwabiza ngama-walkie talkie, amawotwana noma amanqina. Amanqina enkukhu okunye ukudla kwaselokishini okumnandi. Kunosaziwayo abaningi bakuleli zwe nakwamanye amazwe njengoCardi B abawathandayo.
Kungabe osiwe noma aphekiwe, amanqina enkukhu anomsoco futhi ayasiza ukukhiqiza i-collagen esikhunjeni. Umpheki waKwaZulu-Natali uNks Nomcebo Ndlela, umnikazi we- I cook with Cebo, ucobelele iFood For Mzansi iresiphi yakhe yamanqina enkukhu aconsisa amathe.
“Amawotwana intandokazi yami ngoba kulula ukuwapheka futhi amnandi uma uwadla ngesandla,” kusho uNks Ndlela.
FUNDA: ‘Ivulandlela le-sauce ebabayo’ lenza umlingo ebhodweni
Ingredients
- 500g wamanqina enkukhu, achuthiwe nageziwe
- 30ml we-ground turmeric
- 500ml wamanzi
- 1/2 ka-anyanisi oqotshiwe
- 2 wezipuni ze-tomato paste
- 1 i-stock cube senkukhu
- 60ml we-olive oil
Instructions
Shisisa amanzi ebhodweni elikhulu emlilweni ongashisi kakhulu.
Faka amanqina emanzini ashisayo, u-anyanisi, i-stock cube ne-paprika.
Hlanganisa izithako zakho uzipheke imizuzu ewu-10 kuya kwewu-15.
Uma esenciphile amanzi futhi sezincibilikile, faka amafutha ne-tomato paste futhi ukuyeke kubile eminye imizuzu ewu-15.
Kuphake nepapa kunjengoba kunjalo, udle kamnandi.
