Ngenxa yokunyuka kutshanje kwamaxabiso ejinja, inokuba uyazibuza ukuba ungaba nayo njani eyakho ijinja kumaxesha anjengala!
Ijinja sisityalo esikhula kwimimandla yeetropiki, yaye kunzima kakhulu ukuyikhulisa kwimimandla engekho shushu nengafumanga. Kodwa zikho ezinye iindlela neenkqubo eziya kukunika ithuba lokuba wazise esi sinongo sokutya sesityalo esikhethekileyo ekhaya. Nokuba ngaba uyikhulisela ukuyitya egadini yakho okanye ekhitshini, okanye uceba ukuyilima ukuze ube nokuyithengisa kwimalike, le ngcambu iqhwethayo sisilimo esimangalisayo ukusityala, nantsi indlela onokukwenza ngayo oko:
Indlela yokuyifumana ingcambu
Okokuqala, kufuneka ufumane iimbulumba zejinja ezithile kwivenkile ekufutshane okanye kwimalike (ijinja asiyongcambu enyanisweni, kodwa iimbulumba ezixwesayo phantsi komhlaba ziyafana ummo wazo).
AbakwaGood Housekeeping baneengcebiso ezithile ngokufumana eyona ngcambu yejinja isemgangathweni ukuqalisa izinto. Thenga intwana yejinja engangobhontsi wakho enamaqhuqhuva angalinganiyo eziphelweni zazo — la ngamathupha. Khetha iingqakumba ezityebileyo, ingabi zizo ezo zintshwenyileyo kumphandle wazo. Umphandle wamaqhuqhuva kufuneka ubhitye ukhanye ngokombala; uwayeke amasuntswana anamaqhuqhuva amnyama ngebala.
Ukufumana eyona ndawo ifanelekileyo
Njengokuba kuchaziweyo ngaphambili, ijinga yimbulumba ekhula ngokuxwesayo phantsi komhlaba, nangona le mbulumba ikhula phantsi komhlaba ngokuxwesayo ibizwa ngokuqhelekileyo ngokuba “yingcambu yejinja”. Ngoko ke kufuneka ityalwe kungakhange kwangenwa enzulwini emhlabeni. AbakwaGardener’s Path bacebisa ukuba ufumane imbiza enkulu uyigcine kwindawo enelanga ekhitshini lakho, okanye kwisiqwengana segadi yakho esikwindawo esemthunzini ngokupheleleyo okanye ngokuyinxenye ibe nomhlaba otyebileyo, ovunduvundu, nowakhuphayo amanzi ukulungiselela ukutyala.
Nokuba ngaba ingcambu yejinja yakho uyikhulisela embizeni okanye emhlabeni, uyawufuna wona umhlaba ofanelekileyo kakhulu ukuqalisa lo msebenzi. Kufuneka utyebe ngokwaneleyo ukondla ijinja yakho (unako ukusoloko ufaka ikomposti, khangela ngezantsi), kufuneka igcine ukufuma okwaneleyo ukwenzela ukuba kungomi, kodwa kufuneka uwakhuphe ngokuzenzekelayo amanzi ukwenzela ukuba iingcambu zejinja zingabi semgxobhozweni.
Amanyathelo okuqala
Abanye abasebenza ngeegadi bacebisa ukuba zifakwe emanzini ubusuku bonke iimbulumba ezikhula ngokuxwesayo. Loo nto asiyonto imbi, kuba ijinja eyayithengwe evenkileni yayifakwe isidodobalisi sokukhula kwesityalo.
Ukukhulisa ijinja akuthathi ndawo inkulu konke. Zonke iimbulumba ezikhula ngokuxwesayo phantsi komhlaba ziya kuqala zikhule kuphela amagqabi ambalwa, kwindawo enye. Ekuhambeni kwexesha aya kuba sisicuku esixineneyo yaye akhula ngokucothayo kakhulu, kodwa oko kwenzeka kuphela xa ingavunwanga. Iimbulumba ezikhula ngokuxwesayo eziphantsi komhlaba kwakhona kukhangeleka ngathi azinangxaki nokuba zifumana ukuxinana kancinane.
Ungazisika okanye uzophule iimbulumba zeejinja ezikhula ngokuxwesayo ngaphantsi komhlaba zibe ngamaqhekeza amancinane anembinana yamaqhuqhuva akhulayo kuyo nganye. Okanye usuke nje uyityale iphelele njalo. Isikhokelo sencwadi iTropical Permaculture icebisa ukutyalwa kwengcambu yejinja yakho iisentimitha ezintlanu ukuya kwezilishumi ubunzulu, eli cala linamaqhuqhuva akhulayo lijonge phezulu.
Makunkcenkceshelwe kakuhle emva kokutyala, yaye amagqabi kufuneka avele ngaphezulu emhlabeni emva kweveki enye.
Ukukhathalela isityalo sejinja sakhos
Abasebenzi kwigadi yakwaGood Housekeeping bacebisa inyathelo elinye lokugcina ijinja yonwabile ebudeni bonyaka, oko kubizwa ngokuba kukwenziwa kweenqumba zomhlaba zijikeleze isityalo.
Njengezinye izityalo zeetapile, iimbulumba zejinja ezityalwa ngokuxwesayo phantsi komhlaba ziya kudubula zivele emhlabeni zize zijike zibe luhlaza okwengca elangeni. Abatyalizityalo abangoosomashishini banyusa izivuno ngokunkcenkceshela qho nokunqumba umhlaba ngokujikeleze isityalo esimbulumba kube kanye ngenyanga.
Ukufezekisa isiphumo esifanayo ekhaya, fafaza izandla ezizeleyo eziliqela zekomposti etyebileyo kwimbiza yakho kube kanye ngenyanga ukukhusela imbulumba etyalwa ngokuxwesayo phantsi komhlaba ukuyikhusela ekubeni ivele elangeni.
Abatshali base-Good Housekeeping bathi enye indlela yokukhulisa kahle i-ginger wukuhlale uhlale uyivukuze inhlabathi.
Njengoba kwenzeka ngezinye izitshalo zamazambane, iziqu ze-ginger ziyaqhuma enhlabathini bese zibaluhlaza okotshani elangeni. Abalimi abakhulu baye bathi kuyasiza ukuchelela njalo nokuvukuza inhlabathi kanye ngenyanga. Ukuze uthole imiphumela efanayo ekhaya, kuhle uvuvuzele umanyolo ebhodweni otshale kulona kanye ngenyanga uvikele izitshalo zakho elangeni.
Ulandelelwano ngobuchule bexesha lokutyala
Tyala ijinja yakho entwasahlobo, kwangethuba kangangoko kunako nje ukuba kuqalise ukufudumala noko. Emva koko unokusuka ulibale ngazo malunga neenyanga ezilishumi ukuya kutsho kunyaka phambi kokuba uzivune! AbakwaTropical Permaculture bayichaza ijinja njengesona sityalo kwigadi yabo esingakhathalelwanga, kuba kuthi nje bayilime, bangayihoyi ijinja yabo ide ibe ilungele ukuvunwa.
Ijinja seyilungele ukuvunwa kwithuba elimalunga neenyanga ezilishumi. Yivune ijinja yakho entwasahlobo okanye ehlotyeni lonyaka olandela emva kokuba ibityaliwe. Uya kuqaphela ukuba amagqabi ayo aye aqalise ukuba tyheli, okuya kubonisa ukuba ikulungele ukuvunwa. Vela nje udoncule isityalo sejinja siphume emhlabeni, Yophula amagqabi kwingcambu yejinja uyingenise ngaphakathi.
Nceda nje uqinisekise ukuba umhlaba ojikeleze izityalo zejinja yakho uhlala womile yaye ziyawakhupha amanzi. Into engakwaziyo ukumelana nayo ijinja yiqabaka, ilanga elimileyo, imimoya ebhudlayo, nomhlaba omanzi, nomgxobhozo.
Sinako ukufumaneka istokhwe esininzi sezityalo ukuqalisa ukutyala ukususela kwingcambu enye – ngoko ke unokuba nayo ijinja unyaka wonke, okanye ubonise uthando ngokuphisa ngezinye kwizihlobo zakho!
ALSO READ: Agripreneur 101: Ginger beer and SA, a fabulous fusion
